Philip K. Dick

(Chicago, Illinois 1928 – Santa Ana, California, 1982) é un dos autores máis recoñecidos de ciencia ficción. Escribiu 121 relatos curtos e 36 novelas. A temática das súas obras combina a política coa metafísica, de xeito que explora o autoritarismo, o monopolio e os estados alterados de conciencia, para posteriormente derivar cara á teoloxía. A súa produción, recollida maioritariamente en revistas pulp, tamén é o espello das súas vivencias coa paranoia, a esquizofrenia e as drogas. Entre as súas novelas de maior repercusión cómpre destacar O home no castelo alto (1962) gañadora do Premio Hugo (1963) e considerada obra mestra do xénero da ucronía, Soñan os androides con ovellas eléctricas? (1968) na que se basea o filme Blade Runner (1982) e Ubik (1969).