José Manuel Dopazo
José Manuel Dopazo Entenza (Bueu, 1989) é licenciado en Filoloxía Galega pola Universidade de Santiago de Compostela. Posteriormente realizou o Máster Interuniversitario en Lingüística Aplicada. Desde 2010 está estudando a lingua da Illa de Ons, motivo de análise co que se doutorou en lingüística pola USC en 2022.
Entrou a formar parte do persoal do Instituto da Lingua Galega en 2015 dentro do proxecto CORILGA (Corpus Oral Informatizado da Lingua Galega). Posteriormente tamén traballou no ALGa (Atlas Lingüístico Galego) e, desde 2018, colabora co AGO (Arquivo do Galego Oral) na transcrición de novas gravacións para a representación de todos os concellos de fala galega. A nivel profesional, desenvolve labor docente nun instituto de secundaria, conxugando a docencia coa investigación.
-
O androide Simón
12,00 €O androide Simón ten a súa casa no planeta anano Plutón, pero quere viaxar a outros lugares para pasar uns días de vacacións. Por iso irá percorrendo os diferentes planetas do sistema solar e tamén as súas lúas e aneis na procura daquel que máis lle guste. Queres saber como son os planetas e onde decidiu quedar o androide? Mergúllate nesta aventura chea de sorpresas.
-
O biosbardo e os paxaros sen cor
12,00 €Cando o biosbardo pasou a pita do monte, a pega, o picapeixe, o verderol… e até sete paxaros quedaron sen cor! Queres saber como son e o que argallou o biosbardo? Mergúllate nesta aventura chea de sorpresas.
-
O tesouro do caranguexo
12,00 €O caranguexo da pinza de ouro é o dono dun gran tesouro feito de cunchas. Non obstante, fáltanlle sete para que estea completo. Por iso falará coa ameixa, a vieira, o berberecho, o longueirón, a ostra, a zamburiña e o mexillón. Queres saber como son as súas cunchas e se logrou completar o caranguexo o seu tesouro? Mergúllate nesta aventura chea de sorpresas.