Lapislázuli. O regreso das superguerreiras

Escrito porAlba Rozas

18,00 

Nun mundo escindido entre a maxia e a tecnoloxía, feiticeiras e feiticeiros caciques gobernan co pretexto de salvagardar a xente do común dunha praga centenaria de robots asasinos. Non obstante, só as depositarias das pedras de poder, cinco feiticeiras convertidas en superguerreiras, demostraron ser capaces de erradicar semellante ameaza. Malia que desapareceron sete anos atrás do fragor da batalla, deixando escapar o inimigo, será certo que agora están de volta? Conservarán os seus poderes? Sufrirán as represalias do seu gremio? Arrasarán por fin cos robots? Cal será o prezo a pagar esta vez? O amor? A amizade? E o máis desconcertante de todo: que fai un robot disfrazado de vaqueiro?

Lapislázuli. O regreso das superguerreiras camiña entre os eidos do new weird de China Miéville, da fantasía épica de Robert E. Howard, Emily Rodda ou Andrezj Sapkowski e, sobre todo, do sentai de Akira Toriyama e do mahō shōjo de Naoko Takeuchi.

ISBN: 978-84-126951-6-8
Categoría:
Dimensións 15,3 × 23,0 cm
Temática

Autoría

Tipo

Idade

A partir de 16 anos

Ano de publicación

2024

Formato

Tapa branda

Páxinas

350