| Dimensións | 15,3 × 23,0 cm |
|---|---|
| Temática | |
| Autoría | |
| Tipo | |
| Tradutor/a | Inma Pérez |
| Idade | A partir de 16 anos |
| Ano de publicación | 2026 |
| Formato | Tapa branda |
| Páxinas | Pendente |
| Ilustración da capa | Iago Torres |
Salem’s Lot
22,00 €
Cando era un cativo, o afamado escritor Ben Mears entrou na casa dos Marsten e, o que viu daquela, aínda o mortifica. Por iso decidiu regresar a Salem’s Lot vinte anos máis tarde. Disque se trata dunha vila tranquila, na que nunca acontece nada… agás a antiga traxedia na casa dos Marsten, o can pendurado da cancela do cemiterio, os rapaces desaparecidos, os animais que morren desangrados e a arrepiante aparición deles, quen queira que sexan Eles…
Libros relacionados
-
Un feiticeiro de Terramar
16,00 €O mundo de Terramar réxese por un principio fundamental: o equilibrio entre a vida e a morte. A maxia é un elemento indispensábel, como descubrirá Ged ao ingresar na escola de feiticeiros para aprender as súas regras. Testán e inxenuo, o mozo libera unha terríbel criatura da sombra. Para recuperar o equilibrio, deberase enfrontar a ela e destruíla. A súa misión conducirao ao recuncho máis afastado de Terramar, unha bisbarra de temíbeis dragóns, magos envexosos, escuridade e luz, onde atopará o seu destino.
-
Contos de Terramar
16,00 €Explora Terramar neste novo volume da saga a través de cinco historias que ocorren antes ou despois da época das novelas, e mais dun ensaio sobre as persoas, as linguas, a historia, a literatura e a maxia deste mundo fantástico.
O buscador, unha novela curta ambientada centos de anos antes d’Un feiticeiro de Terramar, revela como comezou a famosa escola de Roke. N’Os ósos da terra, o primeiro mestre de Ged demostra como a humildade, se é o suficientemente grande, pode controlar un terremoto. Ás veces, os feiticeiros buscan carreiras alternativas, como ocorre no conto de Rosaescura e Diamante. Volve á época en que Ged era Arquimago Na braña alta, unha historia sobre o amor polo poder e o poder do amor. E descubre en Libeliña como unha muller decidida pode romper o teito de cristal da maxia masculina tendendo unha ponte entre Tehanu e O outro vento.
-
Homes de armas
19,00 €Os tempos están a cambiar na Garda Nocturna de Ankh-Morpork.
Contratáronse novos recrutas para reflectir a diversidade da cidade, incluíndo o cabo Cenoria (tecnicamente un anano), o axente de garda Cuddy (un anano de verdade), o axente de garda Detritus (un troll) e a axente de garda Angua (unha muller… lúas cheas á parte).Ademais, o capitán Sam Vimes vai casar e retirarse da Garda. Para sempre. Isto último é unha mágoa, porque ninguén coñece as rúas de Ankh-Morpork nin o seu mundo criminal mellor ca el.
E alguén armado e perigoso estivo a ter ideas sobre o poder, o destino e os reis perdidos, cometendo unha serie de asasinatos aparentemente aleatorios por toda a cidade.
Os novos recrutas terán que aprender rápido…
-
A costa máis afastada
16,00 €A escuridade ameaza con se apoderar de Terramar. Mentres o mundo e os seus magos están a perder a maxia, Ged, o poderoso Arquimago, feiticeiro e Señor de Dragóns, embárcase nunha viaxe cun mozo príncipe chamado Arren. Ambos os dous viaxan alén do reino da morte para descubrir a causa destas malvadas perturbacións e restaurar a maxia nunha terra que está desesperadamente necesitada dela.
-
O outro vento
16,00 €O esconxurador Amieiro teme durmir. A súa amada esposa morreu e, en soños, chama por el á terra dos mortos, onde a herba murcha, as estrelas nunca se moven e os amantes vagan sen se coñecer. Desde entón, os mortos atraen a Amieiro cara a eles pola noite, pregándolle pola súa liberación.
Amieiro busca o consello de Ged, o antigo arquimago, quen lle di que acuda a Tenar, Tehanu e o rei novo en Havnor. Úneselles Irian, un feroz dragón capaz de adoptar a forma dunha muller. A ameaza só se poderá enfrontar na Fraga Inmanente de Roke, o lugar máis sagrado do mundo e, alí, o rei, o heroe, o sabio, o feiticeiro e o dragón librarán a súa derradeira batalla.
-
Trickstar. Postais desde as estrelas
17,00 €Ano 2076. Nunha Terra a piques de colapsar, a vida no espazo semella a única esperanza para a humanidade. Julie Alban é arquitecta de sistemas, pero tamén unha veterana piloto do Consorcio, o organismo supranacional que está a dar os primeiros pasos na conquista do sistema solar. Non obstante, a irrupción dun misterioso virus en África e unha nova tecnoloxía capaz de protexer da radiación cósmica conducirán a unha guerra de poderes que a converterá na primeira pirata espacial.
-
Gardas! Gardas!
19,00 €O idealista anano de case dous metros, Cenoria, entra na Garda da Noite da cidade de Ankh-Morpork, a máis grandiosa do Mundodisco, para arrestar ladróns asasinos coa Lei na man, algo nunca antes visto. Os tres veteranos que integran esta garda escangallada e sen sentido son o capitán Vimes, o sarxento Colon e o cabo Nobbs.
Xuntos terán que lidar cunha rutina que rompe pois, malia que se creu extinto durante moito tempo, un magnífico exemplar de draco nobilis («dragón nobre», para quen non entenda a cursiva) apareceu na cidade. Este perigoso visitante non só ten o desagradábel costume de calcinar todo ao seu paso, senón que, en pouco tempo, é coroado Rei (á fin e ao cabo, é un dragón nobre…). Como chegou alí? Poderá a Garda da Noite restaurar a orde dunha cidade sen lei? Maxia, caos e un dragón asexador… Quen podería pedir máis?
-
Niño maldito
17,00 €Niño maldito é unha antoloxía de catro relatos xurdidos das tebras, dese arrepiante e húmido lugar que é o inferno da mente. Nestas páxinas non atoparás consolo ningún, só desamparo e nociva soidade. Vampiros, monstros xurdidos das profundidades do mar, diaños e pantasmas amosan a condición humana desde as vísceras, a agochada turbiedade que a todos nós nos habita e que, o día menos pensado, nos rebenta na gorxa e nos abre as portas da loucura.