Noite no cemiterio

Escrito porCarlos Vega

14,00 

No alto do cemiterio de Vilatorcida érguese unha casa que só abre as súas portas ás pantasmas. O terrorífico Conde Silas, dono da mansión, coa axuda do seu fiel servente, domina todas as ánimas do lugar. Alí, os espectros descobren o cruel destino que lles agarda a aqueles dos que non queda rastro na memoria das persoas vivas.

Cando Lolo e o seu irmán Quin van vivir para a casa máis próxima ao camposanto e se atreven a explorar os seus segredos, o poder do Conde vese ameazado por primeira vez. Non obstante, para o vencer, Lolo deberá superar o propio medo e aceptar a verdade máis arrepiante da súa vida.

Nesta colección búscase achegar, ao público adolescente, diferentes xéneros narrativos, con todos os tópicos propios e adaptados tanto á súa idade como á realidade na que vivimos.

Con estas lecturas poténcianse valores esenciais como a amizade, a ecoloxía, o coñecemento das lendas e tradicións propias, así como o feminismo e o respecto a linguas e colectivos minorizados.

ISBN: 978-84-126951-2-0
Categoría:
Dimensións 14,5 × 20,5 cm
Temática

Autoría

Tipo

Ilustracións

Iago Torres

Colección

A miña primeira novela de…

Número da colección

7

Idade

A partir de 12 anos

Ano de publicación

2023

Formato

Tapa branda

Páxinas

Pendente